Пад Мінскам затрымалі людзей, якія хацелі сфатаграфавацца са сцягамі
Днём 21 лютага каля звалкі ў мікрараёне Чыжоўка з'явіўся АМАП. Падчас затрымання двое 33-гадовых мужчын і дзве дзяўчыны (21 і 26 гадоў) паспрабавалі схавацца ў лесе. У выніку іх даставілі ў Ленінскае РУУС Мінска для разбору, паведамляе МУС.
Затрыманыя распавялі, што мелі намер праехаць па горадзе з бчб-сцягамі і залепленымі нумарамі, а таксама зрабіць фатаграфіі і відэаролік.
Усе ўдзельнікі перфомансу прыцягнуты да адміністрацыйнай адказнасці.
Траім затрыманым суд прызначыў пакаранне ў выглядзе адміністрацыйнага арышту, адна дзяўчына аштрафаваная.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ