Але ўстойлівая праца была забяспечана, заявіў прэм'ер-міністр падчас пасяджэння Саўміна, піша БелТА.
«Нягледзячы на беспрэцэдэнтны ціск як знешніх, так і ўнутраных фактараў, у 2020 годзе забяспечана ўстойлівая праца эканомікі.
Кіраўніком дзяржавы былі падтрыманы прапановы ўрада, і ў другой палове года аказвалася сістэмная падтрымка прадпрыемствам рэальнага сектара эканомікі, бізнэсу і канкрэтным работнікам камерцыйных і бюджэтных арганізацый. Агульная сума такой падтрымкі склала больш за 2 млрд рублёў. ва ўмовах дэфіцыту бюджэту, выканання абавязкаў па дзярждоўгу гэта беспрэцэдэнтная падтрымка. У выніку ўдалося забяспечыць бесперабойную працу прадпрыемстваў, цалкам аднавіць аб'ёмы дабаўленай вартасці ў апрацоўчай прамысловасці і, самае галоўнае, захаваць працоўныя калектывы», — сказаў Раман Галоўчанка.
Ён дадаў, што ў мінулым годзе таксама забяспечана павышэнне ўзроўню дабрабыту насельніцтва.
«На працягу года ўстойліва рос заробак, у снежні ён дасягнуў амаль 1500 рублёў, забяспечаны апераджальны рост даходаў у бюджэтнай сферы, у першую чаргу ў дактароў і настаўнікаў. Мэтавы арыенцір выкананы, суадносіны заробку бюджэтнікаў з сярэднім па краіне склалі 80,4%. Практычна цалкам вырашылі задачу па зніжэнні колькасці арганізацый з заробкам менш за 500 рублёў. За мінулы год іх колькасць знізілася больш чым у 18 разоў», — адзначыў прэм'ер.
Ён распавёў, што захавана макраэканамічная збалансаванасць, а станоўчае сальда знешняга гандлю за 2020 год склала больш як $1,9 млрд, ці 3,2% да ВУП.
«За ўсю гісторыю суверэннай Беларусі гэта максімальны паказчык у абсалютным вылічэнні. Прычым найбольшы яго прырост склаўся ў II паўгоддзі, у тым ліку за кошт аднаўлення аб'ёмаў экспарту тавараў», — звярнуў увагу Раман Галоўчанка.
«Разам з тым адной з сур'ёзных праблем, якую мы сёння павінны прадметна абмеркаваць, з'яўляецца высокая пазыковая нагрузка на рэальны сектар эканомікі.
Па выніках 2020 года сумарная запазычанасць арганізацый склала амаль 160 млрд і у параўнанні з пачаткам года вырасла на 19%.
У мэтах ліквідацыі так званага даўгавога навесу ўрадам даведзены да выканання паслядоўны план дзеянняў», — рэзюмаваў прэм'ер-міністр.
-
У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый
-
Нацбанк хоча забараніць у Беларусі разлікі з дапамогай крыптавалют
-
Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары