Здарэнне адбылося вечарам 23 лютага. Нарад Бярозаўскага РАУС праязджаў каля транспартнай развязкі трасы Брэст — Мінск з дарогай Бяроза — Драгічын. За агароджай моста над «алімпійкай» яны заўважылі дзяўчыну, якая збіралася саскочыць, паведамляе прэс-служба МУС.
Міліцыянты спыніліся, падышлі да 22-гадовай жыхаркі Драгічынскага раёна і пачалі адгаворваць яе ад смяротнага кроку. Да іх падключыліся і прахожыя.
«Пойдзем, мая харошая. Трэба. Паехалі з намі», — кажуць яны.
Размова дазволіла выйграць час і наблізіцца да дзяўчыны. У нейкі момант міліцыянты схапілі яе за рукі і перацягнулі праз парэнчы ў бяспечнае месца.
Дзяўчыну даставілі ў бальніцу.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары