Міністэрства спорту і турызму вызначыла пералік спартыўных вынікаў у гульнявых відах спорту, якія лічацца высокімі. Пастанова тычыцца клубаў, а не зборных. Адпаведная пастанова сёння апублікаваная на Нацыянальным прававым інтэрнэт-партале, піша БелТА.
У футболе высокім вынікам лічыцца выхад у групавыя турніры Лігі чэмпіёнаў і Лігі Еўропы для мужчын, выхад у 1/8 фіналу Лігі чэмпіёнаў — для жанчын. У міні-футболе — выхад у элітны раўнд Лігі чэмпіёнаў.
У хакеі да высокага выніку адносіцца выхад у 1/8 фіналу Лігі чэмпіёнаў, КХЛ або Маладзёжнай хакейнай лігі, у Кантынентальным кубку — 1-2 месцы. У хакеі на траве — выхад у групавы турнір Еўралігі, у «Трофі» — 1-2 месцы.
Высокім вынікам у баскетболе будзе лічыцца выхад у 1/8 фіналу Кубка ФІБА Еўропы і Еўракубка, у 1/4 фіналу чэмпіянату Адзінай Лігі ВТБ, а таксама ў групавы турнір Лігі чэмпіёнаў. У бейсболе — 1-8 месца Кубка Еўропы. У водным пола — выхад у 1/8 фіналу Лігі чэмпіёнаў, у 1/4 фіналу Еўракубка (для мужчын) і трафея Еўрапейскай федэрацыі плавання (для жанчын). У валейболе — 1/8 фіналу Лігі чэмпіёнаў, Чэлендж-Капа, а таксама Кубка Еўрапейскай канфедэрацыі валейбола.
У гандболе будзе называцца высокім вынікам 1/4 фіналу ў Лізе Еўропы і Кубку Еўропы, а таксама выхад у групавы турнір Лігі чэмпіёнаў.
Пастанова ўступае ў сілу пасля афіцыйнага апублікавання.
Цяпер чытаюць
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19
Каментары