Кадр з відэа Вольгі Такарчук
Як нам распавяла яе маці, на мінулым тыдні Вольгу спрабавалі выклікаць у РУУС Першамайскага раёна, аднак павестку яна не атрымала.
Сёння, 2 сакавіка, прыкладна ў 10:30 Вольга патэлефанавала сваёй маці і сказала, што яе затрымліваюць — на момант званка яна збірала рэчы. Па словах Вольгі, прычынай стала «абраза службовай асобы». Пасля гэтага яе павезлі ў Першамайскае РУУС.
Што пагражае блогерцы, пакуль невядома.
Папярэдні раз Такарчук затрымалі 25 студзеня — тады муж Вольгі Дзмітрый растлумачыў, што жонку затрымалі на 72 гадзіны за адзіночны пікет, падчас якога яна выпускала шарыкі з акна.
На канале Вольгі Такарчук — больш за 30 тысяч падпісчыкаў.
