У Баранавічах вынеслі прысуд настаўніку фізкультуры, які ўдарыў у пахвіну свайго вучня
Інцыдэнт адбыўся 30 лістапада мінулага года ў сярэдняй школе №12, паведамляе Intex-press.by.
У Баранавічах суд разгледзеў крымінальную справу настаўніка фізкультуры гарадской школы №12: яго абвінавачваюць у прычыненні цяжкага цялеснага пашкоджання 14-гадоваму вучню. 4 сакавіка яго прызналі вінаватым у наўмысным прычыненні цяжкага цялеснага пашкоджання — злачынстве, прадугледжаным ч. 1 арт. 147 КК РБ — і вынеслі прысуд: 2 гады і 6 месяцаў абмежавання волі без накіравання ў выпраўленчую ўстанову адкрытага тыпу («хатняя хімія»). Пра гэта паведамляе мясцовы рэсурс Intex-press.
Прысуд суда цалкам супадае з тым, што прасіла ў спрэчках дзяржабвінаваўца.
Да суда абвінавачаны прынёс свае прабачэнні і падлетку, і яго сям'і, кампенсаваў маральную шкоду. Матэрыяльных прэтэнзій яны да яго не мелі.
Мужчына ў апошнім слове папрасіў прабачэння ў хлопчыка і яго мамы:
— Прапрацаваў у сістэме адукацыі больш за 20 гадоў. Заўсёды былі добрыя адносіны і з вучнямі, і з калегамі. ( … ) Я шкадую і раскайваюся, што прычыніў боль, нанёс траўму вучню. Кожны дзень шкадую аб гэтым і думаю пра яго здароўе.
Экспертыза паказала, што падлетак атрымаў цяжкае цялеснае пашкоджанне.
Інцыдэнт адбыўся 30 лістапада. У распранальні спартзалы настаўнік фізкультуры заўважыў у руках аднаго з вучняў электронную цыгарэту. Мужчына адчытаў падлетка, а затым пацягнуў за руку, каб той выйшаў з памяшкання. На выхадзе ён ударыў школьніка нагой у пахвіну.
Падлетку стала блага. Бацькі адвезлі яго ў бальніцу. Медыкі дыягнаставалі разрыў правага яечка. Пасля аперацыі школьніка выпісалі і адправілі дадому на амбулаторнае лячэнне.
Экспертыза паказала, што падлетак атрымаў цяжкае цялеснае пашкоджанне.
«Сазлізнула калена»: у Баранавічах судзяць настаўніка фізкультуры, які ўдарыў вучня. Хлопцу потым рабілі аперацыю
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай12
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары