Дзякуй усім, хто падтрымаў нас учора. Сёння больш вольных рук, пастараемся арганізаваць працэс продажу так, каб чэргаў не было.
Вы можаце набыць свежы нумар «Нашай гісторыі», як і старыя нумары, а таксама «Дуду» і «Асцярожна: дзеці!» па адрасе Энгельса, 34а да 18:00.
Гэта самы цэнтр Мінска, літаральна 400 метраў ад метро «Купалаўская» і «Кастрычніцкая», белы будынак з муралам.
Калі ласка, прыходзьце і купляйце часопіс — для сябе і для сваякоў, суседзяў, сяброў, калег па працы!
Бярыце з сабой наяўныя, бо, на жаль, наш касавы апарат не падтрымлівае аплату карткай. Адзін нумар «Нашай гісторыі» каштуе 7 рублёў. Да сустрэчы!
Усім, хто не змог прыйсці, але зрабіў ахвяраванне, таксама дзякуем.
Нагадаем, што «Наша гісторыя», самы папулярны часопіс на беларускай мове, больш не будзе прадавацца ў газетных кіёсках. Дзіцячыя «Дуду» і «Асцярожна, дзеці!» — таксама. «Белсаюздрук» паведаміў, што ў аднабаковым рэжыме разрывае адносіны.
Каментары тут лішнія — вы самі ўсё разумееце. У такой сітуацыі мы патрабуем вашай падтрымкі і салідарнасці.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары