У Беларусі забаранілі продаж самай папулярнай мадэлі «Шкоды» — брэнда, які заклікаў перанесці хакейны чэмпіянат з Мінска
З 11 сакавіка ў Беларусі забаронены продаж новых аўтамабіляў «Шкода Рапід». Дылер паведамляе, што прычына бюракратычная — прадпісанне Дзяржстандарту.
«Рапід» — самая танная, а таму самая папулярная мадэль «Шкоды». Новы аўтамабіль каштаваў 12 тысяч даляраў.
У мінулым годзе ў Беларусі было прададзена 2069 такіх аўтамабіляў. Гэта 7-е месца па папулярнасці сярод усіх мадэляў.
Аўтаканцэрн «Шкода» некалькі месяцаў таму заклікаў перанесці чэмпіянат свету па хакеі з Мінска.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ