БелТА
Паведамляецца, што аварыя на водаправодных сетках адбылася ў ноч на 30 сакавіка. Учора людзі, што жывуць на вуліцы Маладзёжнай, масава сталі скардзіцца на спецыфічны пах вады. На працягу дня аварыю ліквідавалі, быў арганізаваны падвоз пітной вады. У мікрараёне знаходзяцца навучальныя ўстановы, там ніхто не пацярпеў. «Зроблены адбор пробы вады. Усё ў здавальняючым стане і адпавядае нормам. Піць ваду можна», — адзначыў Віктар Грышан.
У раённую бальніцу 30 сакавіка змясцілі пяць дзяцей. Усе сябе нармальна адчуваюць, іх здароўю і жыццю нічога не пагражае. Рашэнне аб шпіталізацыі прынята з прычыны малалетняга ўзросту. За мінулую ноч пацыентаў са скаргамі на пагаршэнне самаадчування пасля ўжывання вады не паступала.
Намеснік старшыні Бешанковіцкага райвыканкама дадаў, што пакуль казаць аб канкрэтных прычынах аварыі рана.