Сярод затрыманых у Дубаі за аголеную фотасесію мадэляў з СНД, паводле папярэдніх звестак, няма беларусак. Пра гэта Tut.by расказала консульства нашай краіны.
Раней з'явілася інфармацыя аб тым, што з-за правядзення аголенай фотасесіі на балконе адной з высотак Дубая былі затрыманыя дзяўчаты з краін СНД, у тым ліку з Беларусі. Консул нашай краіны ў Дубаі Сяргей Аляксееў распавёў Tut.by, што, паводле папярэдняй інфармацыі, нашых суайчынніц сярод іх няма.
— Справа ў тым, што афіцыйная інфармацыя з паліцыі яшчэ не паступіла, але, паводле папярэдняй неафіцыйнай інфармацыі, грамадзяне Беларусі затрыманыя не былі. Пакуль, на жаль, іншых каментароў няма, — заявіў консул.
3 красавіка паліцыя затрымала 40 удзельніц фотасесіі на балконе адной з высотак у элітным гарадскім раёне Marina, дзе яны пазіравалі без адзення. РІА «Навіны» са спасылкай на генконсульства Расіі ў Дубаі паведамляла, што сярод затрыманых у сувязі з інцыдэнтам як мінімум восем дзяўчат былі грамадзянкамі Расіі. Аднак пазней прадстаўнікі расійскага генконсульства заявілі інфармагенцтву, што на самой справе было затрымана не 40, а 12 чалавек, пры гэтым грамадзянак Расіі сярод іх няма, а адзіным затрыманым грамадзянінам Расіі з'яўляецца мужчына — меркаваны арганізатар фотасесіі.
Пры гэтым BBC са спасылкай на МЗС Украіны паведамляе, што сярод дванаццаці затрыманых дзяўчат адзінаццаць з'яўляюцца грамадзянкамі гэтай краіны. У аўторак, 6 красавіка, украінскі консул плануе наведаць затрыманых.
Каментары