Аліеў адкрыў Парк ваенных трафеяў і паказаў абломкі расійскіх «Іскандэраў»
Прэзідэнт Азербайджана Ільхам Аліеў адкрыў Парк вайсковых трафеяў і паказаў абломкі меркавана знойдзеных на тэрыторыі краіны ракет ад аператыўна-тактычных ракетных комплексаў (АТРК) «Іскандэр» расійскай вытворчасці.
Пра гэта паведамляе тэлеграм-канал «Каўказскае бюро», паведамляе lenta.ru
«Адкуль гэтыя ракеты ўзяліся ў армянскай арміі? Гэтых ракет у іх не павінна было быць», — сказаў Аліеў. Ён дадаў, што Азербайджан чакае адказу на пытанне, якім чынам ракеты апынуліся ў Арменіі.
У парку ваенных трафеяў выстаўлена больш за 300 экспанатаў, у тым ліку да 150 адзінак цяжкай тэхнікі, танкаў, баявых машын, артылерыйскіх установак, зенітна-ракетных комплексаў, стралковая зброя і ваенны транспарт. Усе экспанаты звязаны з апошнім ваенным канфліктам у Нагорным Карабаху.
Цікава, што ў аўторак пачнецца візіт у Азербайджан Аляксандра Лукашэнкі.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары