Навальнага пераводзяць з калоніі ў бальніцу. Яна знаходзіцца на тэрыторыі іншай калоніі
Расійскага палітыка Аляксея Навальнага, які трымае галадоўку з 31 сакавіка ў папраўчай калоніі №2 горада Пакроў Уладзімірскай вобласці, пераводзяць з папраўчай установы ў стацыянар абласной бальніцы для асуджаных.
Пра гэта паведамляе абласное ўпраўленне ФСВП, піша meduza.io.
Бальніца знаходзіцца на тэрыторыі ВК-3 у горадзе Уладзіміры.
У ведамстве назвалі стан здароўя зняволенага «здавальняючым».
Зараз стан здароўя Навальнага ацэньваецца як здавальняючы, штодня яго аглядае доктар-тэрапеўт. Са згоды пацыента яму прызначаная вітамінавая тэрапія.
NN.by
Хочаш падзяліцца важнай інфармацыяй ананімна і канфідэнцыйна?
Пішы ў наш Тэлеграм
