Уплывае на склад бярозавага соку можа мноства фактараў, у тым ліку тып глебы і ўзрост дрэва.

Тым не менш, традыцыйна яго называюць добрай крыніцай вітамінаў і мінералаў. У ім мала калорый і цукру, затое шмат магнію і марганцу (гэты мінерал важны ў першую чаргу для здароўя костак). Таксама ёсць фосфар, калій, фалійная кіслата, вітамін С; антыаксіданты, якія дапамагаюць змагацца з акісляльным стрэсам у арганізме.

Па выніках даследавання з асцярожнасцю да гэтага напою раяць ставіцца тым, у каго ёсць алергія на бярозавы пылок.

Да таго ж, з-за вялікай колькасці марганцу ўжываць гэты напой варта ў абмежаваных колькасцях (асабліва для людзей з захворваннямі печані).

Калі зыходзіць з таго, што верхняя дапушчальная мяжа марганцу у дзень складае 9-11 мг у дзень для дарослых і 2-6 мг для дзяцей, дарослым не варта піць больш за 900 мл, а дзецям больш за 300 мл гэтага напою (у 300 мл бярозавага соку 3 мг марганца).

Хочаш падзяліцца важнай інфармацыяй ананімна і канфідэнцыйна?