Эканамічны суд Брэсцкай вобласці вынес рашэнне па справе аб ліквідацыі ТАА «Польская школа».
«Эканамічны суд 19 красавіка разгледзеў справу па іскавай заяве пракурора Брэста, пададзенай у мэтах абароны дзяржаўных і грамадскіх інтарэсаў адміністрацыі Ленінскага раёна горада, да ТАА «Польская школа», тром грамадзянам аб ліквідацыі юрыдычнай асобы. Суд вырашыў ліквідаваць «Польскую школу», — сказана ў паведамленні суда.
Нагадаем, пазоў аб ліквідацыі ТАА «Польская школа» падала пракуратура Берасця ў сувязі з «грубым парушэннем заканадаўства, што пацягнула прычыненне шкоды дзяржаўным і грамадскім інтарэсам».
Гаворка ідзе аб несанкцыянаваным масавым мерапрыемстве, якое прайшло ў «Польскай школе» 28 лютага.
10 сакавіка па факце «здзяйснення групай асоб наўмысных дзеянняў, накіраваных на ўзбуджэнне нацыянальнай і рэлігійнай варожасці і варожасці па прыкмеце нацыянальнай, рэлігійнай, моўнай і іншай сацыяльнай прыналежнасці, а таксама наўмысных дзеянняў па рэабілітацыі нацызму» была заведзена крымінальная справа па ч. 3 арт. 130 КК.
У межах крымінальнай справы затрымалі сузаснавальніка «Польскай школы» — 43-гадовага берасцейца — і дырэктара Ганну Панішаву, якая вярнулася ў Беларусь пасля камандзіроўкі ў Польшчу. Яны праходзяць па справе як падазраваныя.
Часовы павераны ў справах Польшчы ў Беларусі Марцін Вайцяхоўскі раней распавёў, што мерапрыемства ў «Польскай школе» «не мела ніякага дачынення» да Рамуальда Райса (Бурага).
-
Мабільны аператар абвясціў пра «маштабныя работы» па паляпшэнні сувязі ў дзвюх абласцях
-
Беларус у Польшчы спрабаваў стаць агентам КДБ. Ён гатовы быў рабіць дыверсіі ў Еўропе і даносіць на беларусаў замежжа
-
На канцэрце Каржа варшаўская паліцыя затрымала 109 чалавек. І правярае лозунгі, якія гучалі на стадыёне
Цяпер чытаюць
Былы галоўны ідэолаг Беларусі прадаў дом у Драздах за $600 тысяч3
Каментары