З гуманітарных прычын у Літву дазволена прыехаць 805 грамадзянам Беларусі, паведаміла ў панядзелак Міністэрства ўнутраных спраў Літвы, піша Delfi.
376 з іх ужо прыехалі, а 133 папрасілі прытулку.
Дазволы выдаюцца пацярпелым ад рэжыму і рэпрэсіяў або грамадзянам, якія падвяргаецца пераследам, актыўным прадстаўнікам апазіцыі.
Гэта выключэнне прымяняецца з 11 жніўня. Грамадзяне Беларусі, якія жадаюць прыехаць у Літву па асаблівых гуманітарных прычынах, павінны звяртацца ў амбасаду Літвы ў Беларусі наконт выдачы шэнгенскай візы і падаць інфармацыю, якая пацвярджае наяўнасць асаблівых гуманітарных прычын.
