Каля паўночы 16 красавіка 2000 года 20-гадовая жыхарка райцэнтра вярталася дадому. Каля пад'езда яе сустрэў мужчына, зацягнуў у ліфт і збіў. Ужо на лесвічнай пляцоўцы малады чалавек некалькі разоў параніў дзяўчыну нажом, зняў з яе вопратку, пасля чаго на тэхнічным паверсе працягнуў калечыць дзяўчыну. Яна памерла. Эксперты налічылі на целе загінулай больш за 50 раненняў, паведамляе МУС.

Злачынца забраў торбачку ахвяры і схаваўся. Нямецкі штык-нож, які стаў прыладай злачынства, выкінуў у балота.

Па гарачых слядах раскрыць злачынства не ўдалося, аднак праца не спынялася. Прыладу злачынства супрацоўнікі праваахоўных органаў знайшлі 16 красавіка, у дзень гадавіны злачынства. Падазраваны — 43-гадовы бабруйчанін, які адбывае цяпер пакаранне за незаконны абарот наркотыкаў.

Хочаш падзяліцца важнай інфармацыяй ананімна і канфідэнцыйна?