Навука і тэхналогіі

Разумнае адзенне хутка можа стаць часткай нашай паўсядзённасці

Бруклінскі стартап Nextiles спрабуе ўчыніць рэвалюцыю ў адзенні шляхам упляцення тэхналогій у тэкстыль.

Фота The Washington Post

На мінулым тыдні Nextiles выпусціла разумную тканіну — матэрыял, у які ўбудавалі схему для збору біяметрычных звестак, піша The Washington Post.

Пакуль што такая тканіна будзе выкарыстоўвацца ў спартовым адзенні. Галоўная асаблівасць разумнага адзення ў тым, што яно дазваляе спартоўцам вымяраць сваю хуткасць, сілу і іншыя паказальнікі, якія нельга атрымаць ад сучасных фітнэс-бранзалетаў і разумных гадзіннікаў.

У будучыні стваральнікі хочуць прасоўваць тканіну на масавы рынак, каб карыстальнікі праз штодзённае адзенне маглі даведацца свой пульс і дыханне.

Першая прапанова кампаніі — нарукаўнік і накаленнік, якія вымяраюць механічныя змены цела ў некалькіх пунктах. Гэта інфармацыя можа пасля выкарыстоўвацца для прадухілення траўм і перанапружвання.

Кампанія Nextiles была створана ў 2018 годзе. Стартап выкарыстоўвае матэрыі з бавоўны, поліэфіру або спандэксу, якая пакрываецца нержавеючай сталлю. Валокны пачынаюць дзейнічаць як кабелі і таму могуць перадаваць сігналы. А ў тканіну змяшчаюцца чуйнікі і маленькія чыпы Bluetooth.

Аднак Nextiles далёка не першая кампанія, якая эксперыментуе з разумным адзеннем.

У лютым Apple запатэнтавала разумныя гузікі, якія могуць кіраваць Apple Watch, iPhone і MacBook.

У 2018 годзе Samsung запатэнтавала планы па стварэнні цішоткі, якая можа змяняць колер па патрабаванні карыстальніка.

Google распрацоўвае праект Jacquard. У межах гэтага праекта была распрацаваная куртка і адпаведны дадатак, каб адказваць на тэлефонныя званкі. Куртка атрымала неадназначныя водгукі. Тым не менш, тэхналагічны гігант працягвае працаваць з брэндамі. Летась Google пачаў праект сумесна з Adidas, прысвечаны распрацоўцы разумнай сцілкі для футбалістаў, якая можа вымяраць сілу ўдараў, адлегласць і хуткасць.

Магчыма, пройдуць гады, пакуль разумнае адзенне стане масавай з’явай, але сёння закладваецца аснова для распаўсюджвання гэтых тэхналогій у будучыні.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

На Міншчыне заўважылі два магчымыя тарнада

«Я страціла сэнс жыцця». Спявачцы Рыце Дакота забаранілі выступаць у Расіі30

У Будславе археолагі адкапалі старажытны падмурак касцёла

Былы беларускі ваяр суткі катаваў свайго сябра, а пасля забіў сябе40

Сёлета кляшчы кусаюць беларусаў амаль на 11% часцей, чым летась

Столькі праблем, а тут Стрыжак з яго падлеткавымі гульнямі40

Катар прыгразіў Еўропе скарачэннем паставак газу3

Колькасць пацверджаных расійскіх ваенных страт перавысіла 120 тысяч чалавек12

У цэнтры Брэста паставілі гіганцкі помнік гузіку9

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць