Надвор'е

Сіноптыкі расказалі, калі нарэшце пацяплее

У Беларусі да канца тыдня захаваецца дажджлівае надвор'е, паведамілі БелТА ў Белгідрамеце.

«Атлантычныя цыклоны і іх атмасферныя франты працягваюць пастаўляць на тэрыторыю Беларусі ўсё новыя і новыя порцыі ападкаў. На сённяшні дзень па заходняй палове краіны сума ападкаў ўжо дасягае 30-40% майскай нормы, а на асобных метэастанцыях зарэгістравана і да 80% нормы апошняга вясновага месяца. Дажджы не спыняцца і ў бліжэйшыя дні», — адзначылі сіноптыкі.

У пятніцу, 7 мая, ноччу месцамі па краіне пройдуць невялікія кароткачасовыя дажджы. Днём таксама часам чакаюцца дажджы, у асобных раёнах магчымыя навальніцы. Вецер будзе паўднёвы, паўднёва-заходні ўмераны, месцамі парывісты. Тэмпература паветра ноччу будзе плюс 1-7 градусаў, удзень — 9-15 градусаў цяпла, па паўднёвым усходзе прагназуецца да плюс 18 градусаў.

У суботу, 8 мая, чакаецца ветранае халаднаватае надвор'е. Беларусь апынецца пад уплывам цыклона, які змяшчаецца праз поўнач Беларусі на Наўгародскую вобласць Расіі. На большай частцы тэрыторыі краіны чакаюцца кароткачасовыя дажджы. Вецер будзе заходні, паўночна-заходні, ноччу ўмераны, днём у многіх раёнах краіны будзе ўзмацняцца да моцнага парывістага. Тэмпература паветра складзе плюс 2-9 градусаў. Днём паветра прагрэецца да 6-12 градусаў цяпла.

У нядзелю, 9 мая, надвор'е ў асноўным будзе вызначаць вобласць павышанага атмасфернага ціску, сфармаваная ў халоднай паветранай масе, будзе пераважна без ападкаў. Вецер будзе ўмераны, ноччу па паўночным усходзе парывісты. Тэмпература паветра ў начныя гадзіны будзе плюс 1-6 градусаў, пры малавоблачным небе на глебе і месцамі ў паветры чакаюцца замаразкі ад нуля да мінус 3. У дзённыя гадзіны тэмпература паветра складзе 11-17 градусаў цяпла.

У пачатку наступнага тыдня надвор'е зменіцца. У Беларусь пачнуць паступаць паветраныя масы з поўдня Еўропы і ўсталюецца цёплае надвор'е, абяцаюць сіноптыкі.

У панядзелак, 10 мая, пры павышаным фоне атмасфернага ціску істотных ападкаў не чакаецца. Тэмпература паветра ўначы будзе плюс 1-8 градусаў, месцамі па паўднёвым усходзе замаразкі ад нуля да мінус 2 градусаў. Днём паветра прагрэецца да плюс 17-24 градусаў.

У аўторак, 11 мая, будзе без ападкаў. Тэмпература паветра ноччу складзе плюс 3-10, па захадзе — да плюс 12 градусаў. Удзень чакаецца 19-26 градусаў цяпла.

У сераду, 12 мая, ноччу прагназуецца пераважна без ападкаў, днём у асобных раёнах пройдуць кароткачасовыя дажджы. Тэмпература паветра ноччу будзе плюс 5-12 градусаў. У дзённыя гадзіны паветра прагрэецца да плюс 16-22 градусаў, у асобных раёнах — да плюс 25 градусаў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі: Прыехаў бы і паціснуў Трампу руку

Ціханоўскі: Прыехаў бы і паціснуў Трампу руку

Усе навіны →
Усе навіны

Настаяцель манастыра Шаалінь трапіў пад следства па падазрэнні ў растратах і амаральным ладзе жыцця4

У Рэчыцкім раёне ад удару токам загінулі двое мужчын

Цэны на шакалад здзіўляюць12

Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага29

Музыканты выдаляюць сваю музыку са Spotify, бо ён спансаруе кампанію, якая вырабляе тысячы дронаў для Украіны26

«Гэта своеасаблівае партнёрства». Трамп заключыў здзелку, па якой краіны Еўропы абавязаны плаціць тарыф 15%8

У Германіі сышоў з рэек пасажырскі цягнік. Ёсць загінулыя1

Праз Сонечную сістэму ляціць аб'ект, паводзіны якога нагадваюць кіраваны касмічны карабель18

Расійскі дрон атакаваў рэйсавы аўтобус у Сумскай вобласці. Ёсць ахвяры3

больш чытаных навін
больш лайканых навін

Ціханоўскі: Прыехаў бы і паціснуў Трампу руку

Ціханоўскі: Прыехаў бы і паціснуў Трампу руку

Галоўнае
Усе навіны →

Заўвага:

 

 

 

 

Закрыць Паведаміць