«Лідскае піва» пачынае варыць піва па чэшскіх традыцыям. Да распрацоўкі прыцягнулі Іржы Карліка, уладальніка чэшскай кампаніі Czech Brewmasters. На працягу года ён і Алег Малахаў, галоўны півавар лідскага завода, працавалі над рэцэптам новага піва, якое адпавядала б высокім стандартам чэшскай якасці.

Як распавядае чэшскі півавар, ён з беларускім калегам доўга абмяркоўваў, якім павінна быць піва, зваранае ў чэшскіх традыцыях. Спажыўцу не заўсёды да спадобы горкія класічныя гатункі, таму быў абраны іншы падыход з больш мяккім смакам.

Горыч новага піва ніжэйшая, чым у папулярных чэшскіх гатунках, — 15 IBU, што з'яўляецца аптымальным спалучэннем, якое падкрэслівае водар і багаты смак. Для вытворчасці выкарыстоўваецца прэміяльны хмель Багемія, які далікатна дадае горыч, але не заглушае характэрны для чэшскага піва збожжавы паслясмак.

Крэпасць новага піва складае 4,2%. BOHÉMSKÝ LEV добра спалучаецца з простымі, але сытнымі закускамі: салёнай або марынаванай рыбай, хатнімі грэнкамі з сырам і часночным соусам.

Ключавым персанажам новага брэнда стаў высакародны леў з каронай з хмеля і соладу на галаве як сімвал цеснага супрацоўніцтва чэшскіх і беларускіх півавараў. Вобраз льва абраны невыпадкова: выява гэтай моцнай жывёлы прысутнічае на гістарычным гербе Чэхіі, таксама залаты леў з'яўляецца сімвалам Ліды, беларускай сталіцы броварства.

Першым у продажы ў пачатку чэрвеня з'явіцца новы гатунак BOHÉMSKÝ LEV SVĚTLÉ, які будзе выпускацца ва ўсіх папулярных аб'ёмах: шкляной бутэльцы 0,5 л, алюмініевай бляшанцы 0,45 л, а таксама ў ПЭТ аб'ёмам 0,9 і 1,9 л.

Памятайце, што празмернае ўжыванне піва шкодзіць здароўю!