Баявая авіяцыя ізраільскай арміі ў ноч з нядзелі на панядзелак нанесла ўдары па дзевяці дамах, якія належаць высокапастаўленым камандзірам руху ХАМАС, паведамляюць інфармагенцтвы.
Адзначаецца, што, у прыватнасці, былі атакаваныя дамы камандзіра батальёна Бейт-Ханун, камандзіра роты Бейт-Ханун, камандзіра роты Газы і камандзіра роты, якая ўваходзіць у склад батальёна Аль-Шаці.
Паводле заявы вайскоўцаў, некаторыя дамы выкарыстоўваліся для захоўвання зброі.
Ад 10 мая паміж палесцінскімі радыкальнымі групоўкамі ў сектары Газа і ізраільскай арміяй працягваюцца абмены ракетнымі ўдарамі. Яны пачаліся ўслед за беспарадкамі ў мячэці Аль-Акса ва Усходнім Іерусаліме, якія ўспыхнулі з-за рашэння Ізраільскага суда аб канфіскацыі дамоў у квартале Шэйх-Джарах у арабскіх сем'яў. Паводле апошніх звестак, з ізраільскага боку загінулі не менш за 10 чалавек, з палесцінскага — больш за 210.