Жыхар Чачэрска выказаўся пра Лукашэнку на прыёме ў псіхіятра, скончылася крымінальнай справай
На Юрыя Кавалёва, які жыве ў Чачэрску (Гомельская вобласць) завялі крымінальную справу па артыкуле 368 КК («абраза прэзідэнта»), піша Радыё Свабода.
«На мяне крымінальную справу распачалі за тое, што сказаў праўду. Быў на прыёме ў доктара-псіхіятра, праходзіў камісію на права кіравання аўтамабілем. Ну і выказаўся…. А доктарка паведаміла ў міліцыю тое, што я сказаў», — распавёў Свабодзе Юрый Кавалёў.
Ён у 2020—2021 годзе шмат разоў трапляў на «суткі» за «несанкцыянаваныя масавыя мерапрыемствы».
«Дзе я толькі не сядзеў: і ў Брагіне, і ў Гомелі, і ў Чачэрску, і ў Буда-Кашалёве. Цяпер яшчэ і праводзілі са мной судова-медыцынскую экспертызу», — дадаў жыхар Чачэрска.
Падчас мінулай кампаніі Кавалёў агітаваў за Святлану Ціханоўскую. Ягоны сын Арцём з'ехаў ад пераследу. Нявестка Кавалёва Кацярына засталася з двума малымі дзецьмі, якім 4 месяцы і 4 гады.
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары