Амбасада Літоўскай Рэспублікі ў Беларусі 18 лютага адсвяткавала тысячу год імені Літвы. Угодкі вялікай даты, а таксама Дзень узнаўлення літоўскай дзяржаўнасці наладзілі ў Беларускай дзяржаўнай філармоніі. Амбасадар Літвы Эдмінас Багдонас павіншаваў усіх прысутных і прачытаў па‑беларуску вядомы верш Максіма Багдановіча «Пагоня».

«Нас аб’ядноўвае супольнае гістарычнае мінулае, супольныя каштоўнасці, агульнае Вялікае княства Літоўскае. І гэтая супольнасць дае бясспрэчнае права спадзявацца на тое, што ў нас больш супольнага, чым рознага» – сказаў Э. Багдонас.

На ўрачыстай вечарыне ў Філармоніі выступілі знакамітыя літоўскія выканаўцы пад акампанемент Ковенскага сімфанічнага аркестра. Гледачы вельмі цёпла сустрэлі дырыжора Мадэстаса Пітрэнаса.

Упершыню на сцэне філармоніі дзеці акапэльна выканалі гімны Літвы і Беларусі: Піюс Пажусіс з Літвы і Андрэй Кунец, які заваяваў для Беларусі другое месца на дзіцячым «Еўрабачанні» ў 2006 годзе.

Гасцям свята была паказаная адмысловая стужка, якую падрыхтаваў Літоўскі нацыянальны тэлеканал з нагоды тысячагоддзя першай узгадкі імя Літвы. Кожны атрымаў у падарунак кампакт‑дыскі з фільмам «Вільня – культурная сталіца Еўропы», праграму віленскіх мерапрыемстваў і буклеты з тлумачэннем, што для літоўцаў значыць тысячагоддзе імя і 16 лютага – Дзень незалежнасці.

Назва «Літва» была ўзгаданая ў Кведлінбургскім летапісе, датаваным 1009 годам.

Хочаш падзяліцца важнай інфармацыяй ананімна і канфідэнцыйна?

0
Ліцьвін / Адказаць
23.02.2009 / 19:21
Якое дачыненьне маюць сучасныя летувісы да назову ЛІТВА? Да якой пары спадар Дынько й кампанія мецьмуць называць нашчадкаў колішняе Жамойці назовам "Літва"? Ня зьбівайце людзей з панталыку сваімі гістарычнымі паралелямі, ставячы знак роўнасьці паміж старажытнай ЛІТВОЙ і сучаснай ЛЕТУВОЙ! Ці ж мо для Вас такое "добрасуседзтва" даражэй за гістарычную памяць?
0
віхлі / Адказаць
24.02.2009 / 10:36
а дзе ў гэты час быў тутэйшы аргкамітэт дзеля святкавання тысячагоддзя Літвы (Марачкін, Грыцкевіч, Купава і кумпаня)?
0
Валодзя / Адказаць
24.02.2009 / 11:34
ганьба!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру