7 лютага 2004 года ў Гомелі мужчына накінуўся на жанчыну, пагражаў і прымусіў цалкам распрануцца. Тады жанчыне ўдалося збегчы. Высветліць асобу падазраванага ўдалося толькі цяпер, праз 16 гадоў, паведамілі ва УУС. Ім аказаўся 41-гадовы рабочы аднаго з гомельскіх заводаў. Мужчына распавёў, што ў той вечар быў моцна п'яны, і прызнаўся, што сапраўды спрабаваў у 2004 годзе згвалціць жанчыну.
У той вечар жанчына вярталася дадому. Праходзячы міма каскада азёр, на яе накінуўся мужчына, заціснуў рот, пацягнуў да вады і прымусіў цалкам распрануцца. Убачыўшы, што мужчына пачаў здымаць джынсы, жанчына знайшла момант і пабегла ў бок дома, кінуўшы сваю вопратку.
На наступны дзень яна звярнулася ў міліцыю. Яе рэчы знайшлі менавіта там, дзе яна паказала, аднак выйсці на след няўдалага гвалтаўніка тады так і не ўдалося.
Цяпер ён змешчаны ў ІЧУ. Крымінальная справа адноўленая.
