Падчас першага дня пасяджэння. Tut.by
Другое судовае пасяджэнне пачалося ў 10.30. Працэс вядзе суддзя Святлана Бандарэнка, дзяржабвінавачанне прадстаўляе Людміла Іваненка, Арцёма Сарокіна абараняе адвакат Вольга Бацюк, Кацярыну Барысевіч — Андрэй Мачалаў і Міхаіл Баднарчук.
На пасяджэнне выклікалі сведку — доктара БХМД, які лячыў Рамана Бандарэнку. Па яго словах, будуць выклікаць усіх, хто аказваў яму медыцынскую дапамогу.
Крымінальную справу ў дачыненні да Кацярыны Барысевіч і Арцёма Сарокіна распачалі 19 лістапада 2020 года. Іх абвінавацілі ў выдаванні медыцынскай таямніцы, што, на думку Генпракуратуры, пацягнула цяжкія наступствы. Максімальнае пакаранне паводле гэтага артыкула — тры гады пазбаўлення волі. 13 лістапада пад аўтарствам Кацярыны Барысевіч выйшаў артыкул, у якім са спасылкай на медыцынскія дакументы і каментар доктара сцвярджалася, што ў крыві Рамана Бандарэнкі не было выяўлена этанолу. Першыя асобы заяўлялі, што памерлы хлопец быў п'яны.
