Глеб застаецца ў БАТЭ

Аляксандр Глеб у хатнім матчы супраць «Валенсіі» 23 кастрычніка.

Глеб у ліпені вярнуўся ў Барысаў пасля дванаццацігадовага побыту за мяжой («Штутгарт», «Арсенал», «Барселона», «Штутгарт», «Бірмінгем», Вольфсбург», «Крылы Саветаў») і паспрыяў выкананню «жоўта-сінімі» асноўных задач на сезон — заваёвы чарговага золата нацыянальнага першынства і траплянню ў групавую стадыю Лігі чэмпіёнаў.

На гэтым адрэзку, у другой палове 2012 года, Аляксандр правёў за БАТЭ 16 матчаў (6 — у чэмпіянаце краіны, 10 — у Лізе чэмпіёнаў).

31-гадовы футбаліст зараз працуе разам з камандай на клубнай базе ў Дудзінцы, а ў чацвер адправіцца з ёй на збор у турэцкі Белек.

fcbate.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ