Чысты чацвер — гэта адзiн з найважнейшых дзён перадвелiкоднага тыдня. У гэты дзень вернiкi ўспамiнаюць Тайную Вячэру, калi, паводле евангельскага падання, Iсус сам амыў ногi сваiм вучням перад вячэрай.Таму чацвер называюць «Чыстым», або «Вялікім».
Па традыцыi ў гэты дзень прыбiраюць дома, мыюць падлогі, вокны.
У гэты дзень, а дакладней, вечар Ісус Хрыстос сустрэўся з апосталамі і вячэраў разам з імі. У гонар той вячэры ўстаноўлена таінства прычасця. Слова «эўхарыстыя» ў перакладзе з грэцкай мовы азначае «падзячнасць».
Вось як апісвае Тайную Вячэру евангеліст Мацвей. «Калі наступіў вечар, Ён узлёг з 12-ю вучнямі. І калі яны елі, Хрыстос сказаў: прыміце, спажывайце. Гэта кроў Мая новага запавету, якая за многіх выліваецца для адпушчэння грахоў. Бласлаўляючы келіх, Ён сказаў: піце з яго ўсе, бо гэта кроў Мая новага запавету». Падчас вячэры Хрыстос даў вучням уладу дароўваць грахі.
Пры гэтым Хрыстос заявіў, што адзін з 12-і апосталаў выдасць яго — думка, якая сапраўды ўжо з'явілася ў думках Юды за дзень да таго.
У Вялікі чацвер служыцца поўная Літургія святога Васіля Вялікага.
У мінулым, асабліва ў Рускай праваслаўнай царкве, многія вернікі спавядаліся і прычашчаліся адзін раз у год, менавіта ў Вялікі чацвер.
У гэты дзень у Праваслаўнай царкве рыхтуецца таксама “міра” — духмяны алей, які скарыстоўваецца падчас хрышчэння, мірапамазання, малітвы за хворых і пры асвячэнні новых храмаў. Міра, асвячаная Патрыярхам, мітрапалітам, кіраўніком царквы, развозіцца ва ўсе парафіі. Гэтым падкрэсліваецца адзінства Царквы.
У нядзелю вернікі Рускай праваслаўнай царквы адзначаюць Вялікдзень Уваскрасення Хрыстовага.
