Čysty čaćvier — heta adzin z najvažniejšych dzion pieradvielikodnaha tydnia. U hety dzień vierniki ŭspaminajuć Tajnuju Viačeru, kali, pavodle jevanhielskaha padańnia, Isus sam amyŭ nohi svaim vučniam pierad viačeraj.Tamu čaćvier nazyvajuć «Čystym», abo «Vialikim».
Pa tradycyi ŭ hety dzień prybirajuć doma, myjuć padłohi, vokny.
U hety dzień, a dakładniej, viečar Isus Chrystos sustreŭsia z apostałami i viačeraŭ razam ź imi. U honar toj viačery ŭstanoŭlena tainstva pryčaścia. Słova «eŭcharystyja» ŭ pierakładzie z hreckaj movy aznačaje «padziačnaść».
Voś jak apisvaje Tajnuju Viačeru jevanhielist Maćviej. «Kali nastupiŭ viečar, Jon uźloh z 12-ju vučniami. I kali jany jeli, Chrystos skazaŭ: prymicie, spažyvajcie. Heta kroŭ Maja novaha zapavietu, jakaja za mnohich vylivajecca dla adpuščeńnia hrachoŭ. Błasłaŭlajučy kielich, Jon skazaŭ: picie ź jaho ŭsie, bo heta kroŭ Maja novaha zapavietu». Padčas viačery Chrystos daŭ vučniam uładu daroŭvać hrachi.
Pry hetym Chrystos zajaviŭ, što adzin z 12-i apostałaŭ vydaść jaho — dumka, jakaja sapraŭdy ŭžo źjaviłasia ŭ dumkach Judy za dzień da taho.
U Vialiki čaćvier słužycca poŭnaja Liturhija śviatoha Vasila Vialikaha.
U minułym, asabliva ŭ Ruskaj pravasłaŭnaj carkvie, mnohija vierniki spaviadalisia i pryčaščalisia adzin raz u hod, mienavita ŭ Vialiki čaćvier.
U hety dzień u Pravasłaŭnaj carkvie rychtujecca taksama “mira” — duchmiany alej, jaki skarystoŭvajecca padčas chryščeńnia, mirapamazańnia, malitvy za chvorych i pry aśviačeńni novych chramaŭ. Mira, aśviačanaja Patryjarcham, mitrapalitam, kiraŭnikom carkvy, razvozicca va ŭsie parafii. Hetym padkreślivajecca adzinstva Carkvy.
U niadzielu vierniki Ruskaj pravasłaŭnaj carkvy adznačajuć Vialikdzień Uvaskrasieńnia Chrystovaha.