У аўторак 10 чэрвеня на Беларускай валютна-фондавай біржы беларускі рубель упершыню за апошнія чатыры дні таргоў умацаваўся да кошыка валют.
Адбылося гэта з-за паслаблення еўрапейскай валюты.
Курс даляра сёння вырас яшчэ на 10 рублёў да 10 140 беларускіх. Гэта новы гістарычны максімум. У чэрвені таргі праводзіліся 7 разоў і на 5 з іх даляр абнаўляў гістарычны максімум.
З пачатку чэрвеня даляр дадаў 50 рублёў (0,50%), за май курс даляра вырас на 110 рублёў (1,10%). З пачатку года курс амерыканскай валюты вырас на 620 рублёў (6,51%).
Сёння на біржы курс еўра знізіўся на 40 рублёў да 13 790 беларускіх рублёў.
З пачатку чэрвеня еўра вырас на 60 рублёў (0,44%), а з пачатку года роўна на 660 беларускіх рублёў (5,03%).
Курс расійскага рубля застаўся на максімальным за ўсю гісторыю узроўні 295 беларускіх рублёў.
За папярэднія тры дні таргоў расійская валюта дадала 7,5 рублёў.