U aŭtorak 10 červienia na Biełaruskaj valutna-fondavaj biržy biełaruski rubiel upieršyniu za apošnija čatyry dni tarhoŭ umacavaŭsia da košyka valut.
Adbyłosia heta z-za pasłableńnia jeŭrapiejskaj valuty.
Kurs dalara siońnia vyras jašče na 10 rubloŭ da 10 140 biełaruskich. Heta novy histaryčny maksimum. U červieni tarhi pravodzilisia 7 razoŭ i na 5 ź ich dalar abnaŭlaŭ histaryčny maksimum.
Z pačatku červienia dalar dadaŭ 50 rubloŭ (0,50%), za maj kurs dalara vyras na 110 rubloŭ (1,10%). Z pačatku hoda kurs amierykanskaj valuty vyras na 620 rubloŭ (6,51%).
Siońnia na biržy kurs jeŭra źniziŭsia na 40 rubloŭ da 13 790 biełaruskich rubloŭ.
Z pačatku červienia jeŭra vyras na 60 rubloŭ (0,44%), a z pačatku hoda roŭna na 660 biełaruskich rubloŭ (5,03%).
Kurs rasijskaha rubla zastaŭsia na maksimalnym za ŭsiu historyju uzroŭni 295 biełaruskich rubloŭ.
Za papiarednija try dni tarhoŭ rasijskaja valuta dadała 7,5 rubloŭ.
