Прэзідэнт ЗША Барак Абама працягнуў на год рэжым дзеяння санкцый у дачыненні да Расіі ў сувязі са спробамі «падарваць дэмакратычныя працэсы і інстытуты ва Украіне», а таксама пагрозамі яе «міру, бяспецы, стабільнасці, суверэнітэту і тэрытарыяльнай цэласнасці». Пра гэта гаворыцца ў паведамленні, размешчаным у сераду, 2 сакавіка, прэс-службай на сайце Белага дома.
У дакуменце адзначаецца, што такія дзеянні Масквы «працягваюць уяўляць незвычайную і надзвычайную пагрозу нацыянальнай бяспецы і знешняй палітыцы Злучаных Штатаў».
У гэтай сувязі санкцыйны «рэжым надзвычайнага становішча», уведзены 6 сакавіка 2014 года ў адпаведнасці з указам 13660, падаўжаецца да 6 сакавіка 2017 года, падкрэсліваецца ў паведамленні за подпісам Барака Абамы.
0
0
0
0
0
0