Prezident ZŠA Barak Abama praciahnuŭ na hod režym dziejańnia sankcyj u dačynieńni da Rasii ŭ suviazi sa sprobami «padarvać demakratyčnyja pracesy i instytuty va Ukrainie», a taksama pahrozami jaje «miru, biaśpiecy, stabilnaści, suvierenitetu i terytaryjalnaj cełasnaści». Pra heta havorycca ŭ paviedamleńni, raźmieščanym u sieradu, 2 sakavika, pres-słužbaj na sajcie Biełaha doma.
U dakumiencie adznačajecca, što takija dziejańni Maskvy «praciahvajuć ujaŭlać niezvyčajnuju i nadzvyčajnuju pahrozu nacyjanalnaj biaśpiecy i źniešniaj palitycy Złučanych Štataŭ».
U hetaj suviazi sankcyjny «režym nadzvyčajnaha stanovišča», uviedzieny 6 sakavika 2014 hoda ŭ adpaviednaści z ukazam 13660, padaŭžajecca da 6 sakavika 2017 hoda, padkreślivajecca ŭ paviedamleńni za podpisam Baraka Abamy.