OpenAI абвясціла пра вяртанне звольненага Сэма Альтмана на пасаду гендырэктара
Альтман напісаў у Х, што з нецярпеннем чакае вяртання ў OpenAI.
Кампанія-ўладальнік чат-бота ChatGPT дамаглася згоды аб вяртанні на пасаду гендырэктара Сэма Альтмана, які быў звольнены 18 лістапада. Пра гэта OpenAI паведаміла ў X (былы Twitter).
Альтман напісаў у Х, што з нецярпеннем чакае вяртання ў OpenAI.
У пятніцу амерыканскі праграміст і прадпрымальнік Сэм Альтман, які з'яўляецца сузаснавальнікам нейрасеткі ChatGPT і кампаніі OpenAI, быў звольнены з пасады генеральнага дырэктара OpenAI.
У заяве было сказана, што звальненне Альтмана — гэта калегіяльнае рашэнне рады дырэктараў OpenAI, якое было выклікана тым, што прадпрымальнік «быў не заўсёды адкрыты ў сваіх зносінах з кіраўніцтвам кампаніі».
«Сэм Альтман сыходзіць з пасады генеральнага дырэктара OpenAI і пакідае раду дырэктараў кампаніі, бо ён не заўсёды быў адкрыты ў адносінах да кіраўніцтва. Гэты факт перашкаджае здольнасці Альтмана выконваць свае абавязкі, але мы ўдзячныя яму за вялікі ўнёсак у заснаванне і развіццё кампаніі», — напісаў у мінулую пятніцу The Verge са спасылкай на афіцыйную заяву OpenAI.
Выданне адзначала, што рашэнне аб звальненні Альтмана з'яўляецца «занадта нечаканым», бо бізнэсмен яшчэ ў мінулым годзе «фактычна пачаў гонку ў сферы штучнага інтэлекту», прадставіўшы паспяховы і добра вядомы ChatGPT.
Акрамя таго, Альтман, як піша The Verge, актыўна выступаў на міжнародных самітах і тэхналагічных канферэнцыях, абвяшчаючы канкурэнцыю з такімі гігантамі, як Microsoft і Google.
«Амаль адразу пасля з'яўлення навіны аб сваім звальненні Альтман напісаў у твітары, што яму вельмі спадабалася працаваць у OpenAI «з такімі таленавітымі людзьмі». Прычыны звальнення ён не назваў, адзначыўшы, што дадатковая інфармацыя будзе дадзена ім пазней», — перадае The Verge.
Кампанія OpenAI была заснаваная ў 2015 годзе. У ліку заснавальнікаў, акрамя Сэма Альтмана, быў таксама і мільярдэр Ілан Маск, аднак у 2018-м ён пакінуў кампанію, каб надаць больш увагі развіццю брэнда электрамабіляў Tesla (пазней летам 2023 года Маск зноў вярнуўся ў галіну штучнага інтэлекту, стварыўшы новую кампанію xAI).
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»4
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары