У Столінскім раёне праваліўся пад лёд і патануў чатырохгадовы хлопчык.
Як паведаміў старшы следчы следчага аддзела пракуратуры Брэсцкай вобласці (па Столінскім раёне) Аляксандр Дзенісовіч, трагедыя здарылася днём 16 лютага на штучным вадаёме ў вёсцы Альшаны.
Паводле папярэдніх звестак, малы разам з шасцігадовым братам гуляў каля свайго дома. Затым старэйшага хлопчыка забраў сваяк. Малодшага ён адправіў дадому. Прыкладна праз 20 хвілін мужчына з шасцігадовым дзіцем вярнуліся ў дом, і высветлілася, што чатырохгадовага хлопчыка там няма.
Маці пачала шукаць дзіця і знайшла яго цела ў штучным вадаёме, які знаходзіцца за 70 метраў ад дома. Яна дастала мёртвага сына з вады.
Акалічнасці здарэння высвятляе следчы аддзел пракуратуры Брэсцкай вобласці (па Столінскім раёне).
0
0
0
0
0
0
