31 сакавіка ў Менску спыніў сваю дзейнасьць Офіс Арганізацыі па бясьпецы і супрацоўніцтву ў Эўропе (АБСЭ). Кіраўнік офісу амбасадар Бэнэдыкт Халер пакідае Беларусь.
Місія АБСЭ працавала ў Беларусі ад 1998 году. Рашэньне закрыць офіс было прынятае беларускімі ўладамі ў канцы
Фота Юліі Дарашкевіч.
31 сьнежня прадстаўнік Беларусі пры міжнародных арганізацыях у Вене Аляксандр Сычоў праінфармаваў сябраў сталай рады АБСЭ пра рашэньне афіцыйнага Менска не падаўжаць мандат офісу арганізацыі ў сувязі з «адсутнасьцю аб’ектыўных падстаў для захаваньня місіі».
На думку палітолягаў, прычынай закрыцьця офісу стала негатыўная ацэнка прадстаўнікамі АБСЭ вынікаў прэзыдэнцкіх выбараў у Беларусі.
Захад асудзіў рашэньне афіцыйнага Менска закрыць офіс АБСЭ. Вярхоўны прадстаўнік ЭЗ Кэтрын Эштан і дзяржсакратар ЗША Хілары Клінтан выступілі з сумеснай заявай, у якой выказалі шкадаваньне з гэтай нагоды. На іх думку, крытычная ацэнка прэзыдэнцкіх выбараў з боку АБСЭ наглядна прадэманстравала, што выкананьне мандата місіі ў Беларусі не завершана.
15 лютага дзейсны старшыня АБСЭ — міністар замежных спраў Літвы Аўдронюс Ажубаліс у чарговы раз выказаў шкадаваньне ў сувязі з рашэньнем урада Беларусі не падаўжаць мандат офісу АБСЭ ў Менску. «Літва як старшыня АБСЭ ў 2011 годзе абавязалася працягваць перамовы зь Беларусьсю і іншымі краінамі — удзельніцамі АБСЭ з мэтай працягнуць важную працу арганізацыі ў гэтай краіне,« — сказаў Ажубаліс.
Аднак 17 лютага на брыфінгу ў Менску прэсавы сакратар МЗС Беларусі Андрэй Савіных заявіў: рашэньне пра закрыцьце офіса АБСЭ — канчатковае.
Фотарэпартаж з закрыцця офісу глядзіце тут.