У гаспадарчым судзе Гомельскай вобласці паспяхова завершаная першая прымірэнчая працэдура з удзелам пазасудовага медыятара.
Працэдура судовага прымірэння падчас развязання камерцыйных канфліктаў дзейнічае ў Беларусі некалькі гадоў. Сёлета стартаваў новы праект, сутнасць якога заключаецца ў разглядзе спрэчак з удзелам пазасудовых ўлагодцаў, так званых медыятараў.
Для прымірэння бакоў медыятару спатрэбілася правесці некалькі сумесных сустрэч у памяшканні гаспадарчага суда, што дазволіла пазоўніку і адказчыку заручыцца дастатковым часам для прыняцця ўзважаных і прадуктыўных рашэнняў.
У выніку дасягнутага ў прымірэнчай працэдуры мірнага пагаднення адказчык здолеў сэканоміць каля 35 мільёнаў рублёў штрафных санкцый, а таксама дамагчыся істотнай адтэрміноўкі ў выплаце наяўнай пазычанасці. Пазоўнік, у сваю чаргу, атрымаў гарантаванае права звярнуцца ў гаспадарчы суд па выканаўчы дакумент у выпадку невыканання адказчыкам у добраахвотным парадку ўмоваў заключанага пагаднення, а таксама вяртанне з рэспубліканскага бюджэту 50% выплачанай пры падачы позвы дзяржаўнай пошліны (каля двух мільёнаў рублёў).
У Гомельскай вобласці ўжо ёсць спецыялісты, якіх можна прыцягваць да ўрэгулявання эканамічных канфліктаў.Усе яны паспяхова прайшлі навучанне ў
Найбольш эфектыўна патэнцыял такіх юрыстаў можа быць рэалізаваны пры ўрэгуляванні эканамічных спрэчак, калі патрабуюцца значныя часавыя выдаткі на вывучэнне доказаў, а вынясенне рашэння не мяняе канфліктнай сітуацыі ў цэлым.
Для таго каб інстытут пазасудовай медыяцыі хутчэй прыжыўся ў нас у краіне, абласны гаспадарчы суд запрашае ўдзельнікаў эканамічных спрэчак далучыцца да новага прававога эксперыменту, паведамляе газета «Савецкі раён».
