U haspadarčym sudzie Homielskaj vobłaści paśpiachova zavieršanaja pieršaja prymirenčaja pracedura z udziełam pazasudovaha miedyjatara.
Pracedura sudovaha prymireńnia padčas raźviazańnia kamiercyjnych kanfliktaŭ dziejničaje ŭ Biełarusi niekalki hadoŭ. Sioleta startavaŭ novy prajekt, sutnaść jakoha zaklučajecca ŭ razhladzie sprečak z udziełam pazasudovych ŭłahodcaŭ, tak zvanych miedyjataraŭ.
Dla prymireńnia bakoŭ miedyjataru spatrebiłasia pravieści niekalki sumiesnych sustreč u pamiaškańni haspadarčaha suda, što dazvoliła pazoŭniku i adkazčyku zaručycca dastatkovym časam dla pryniaćcia ŭzvažanych i praduktyŭnych rašeńniaŭ.
U vyniku dasiahnutaha ŭ prymirenčaj pracedury mirnaha pahadnieńnia adkazčyk zdoleŭ sekanomić kala 35 miljonaŭ rubloŭ štrafnych sankcyj, a taksama damahčysia istotnaj adterminoŭki ŭ vypłacie najaŭnaj pazyčanaści. Pazoŭnik, u svaju čarhu, atrymaŭ harantavanaje prava źviarnucca ŭ haspadarčy sud pa vykanaŭčy dakumient u vypadku nievykanańnia adkazčykam u dobraachvotnym paradku ŭmovaŭ zaklučanaha pahadnieńnia, a taksama viartańnie z respublikanskaha biudžetu 50% vypłačanaj pry padačy pozvy dziaržaŭnaj pošliny (kala dvuch miljonaŭ rubloŭ).
U Homielskaj vobłaści ŭžo jość śpiecyjalisty, jakich možna pryciahvać da ŭrehulavańnia ekanamičnych kanfliktaŭ.Usie jany paśpiachova prajšli navučańnie ŭ
Najbolš efiektyŭna patencyjał takich jurystaŭ moža być realizavany pry ŭrehulavańni ekanamičnych sprečak, kali patrabujucca značnyja časavyja vydatki na vyvučeńnie dokazaŭ, a vyniasieńnie rašeńnia nie mianiaje kanfliktnaj situacyi ŭ cełym.
Dla taho kab instytut pazasudovaj miedyjacyi chutčej pryžyŭsia ŭ nas u krainie, abłasny haspadarčy sud zaprašaje ŭdzielnikaŭ ekanamičnych sprečak dałučycca da novaha pravavoha ekśpierymientu, paviedamlaje hazieta «Saviecki rajon».
