Такое меркаванне выказаў у інтэрв’ю тэлеканалу БТ міністр культуры Павел Латушка.
«Для прыцягнення ў Беларусь замежных турыстаў вельмі важна лібералізаваць візавы рэжым, — адзначыў міністр. —
Тады ў замкі Міра, Нясвіжа, Ліды, Навагрудка паедуць не толькі беларусы, расіяне, але і турысты з Польшчы і Літвы, якія пакінуць у нашай краіне сваю валюту».
Як прыклад самаакупнасці культурнага аб’екта міністр назваў Мірскі замак, які ў снежні 2010 года быў здадзены ў эксплуатацыю, а ў гэтым годзе 65% усіх расходаў пакрывае за кошт продажу білетаў. «Гэта сума, безумоўна, будзе павялічвацца, усё залежыць ад развіцця інфраструктуры як у самім замку, так і каля яго», — лічыць Павел Латушка.
Гаворачы аб інветаванні сродкаў у развіццё культуры, міністр паведаміў, што сёння асноўнай крыніцай фінансавання з’яўляецца дзяржава. «За 2010 год мы атрымалі толькі 22% пазабюджэтных сродкаў, гэты паказчык неабходна павялічваць. Нам трэба развіваць
Таксама Павел Латушка сказаў, што с
ёння праблемай з’яўляецца тое, што беларуская моладзь не вельмі зацікаўлена паступаць у ВНУ сферы культуры. Гэта, на думку міністра,звязана з тым, што работнікі культуры не заўсёды належным чынам стымулююцца.
Цяпер цяжка ўявіць высокі ўзровень прафесійнай культуры і мастацтва ў краіне без іх падтрымкі ў рэгіёнах, падкрэсліў ён. Важным праектам за мінулыя пяць гадоў была рэалізацыя дзяржаўнай праграмы развіцця вёскі. За гэты перыяд было пабудавана больш за тысячу аграгарадкоў, дзе стваралася неабходная інфраструктура сферы культуры — клубы, бібліятэкі, кінапраекцыйныя ўстаноўкі. «Аднак на наступныя гады Міністэрства сельскай гаспадаркі выкананне мінімальнага стандарту па развіццю інфраструктуры сферы культуры ў сельскіх населеных пунктах не падтрымала — у дзяржпраграму развіцця вёскі закладзена толькі Br20 млрд. на культурную інфраструктуру, — сказаў міністр. — Такі падыход трэба перагледзець. Я спадзяюся, што мясцовыя органы ўлады, кіраўнікі гарвыканкамаў гэта разумеюць, і мы атрымаем большую падтрымку ў гэтым напрамку».