У Кыргызстане 400 зняволеных зашылі сабе рот, пратэстуючы 1

Каля 400 зняволеных, якія ўдзельнічаюць у масавай галадоўцы, якая ахапіла практычна ўсе СІЗА і калоніі Кыргызстана, зашылі сабе рот, тым самым узмацніўшы свой пратэст, паведаміў журналістам у аўторак амбудсмен рэспублікі Турсунбек Акун.

У сярэдзіне студзеня ў СІЗА-1 у цэнтры Бішкека падчас планавай праверкі камер успыхнуў бунт. Зняволеныя падпалілі матрацы, учыніўшы пажар, частка з іх парэзала сабе вены. Для аднаўлення парадку на тэрыторыю быў уведзены спецназ, якому атрымалася да абеду аднавіць парадак у спецустанове. Пры гэтым пацярпелі каля 30 зняволеных і пяць супрацоўнікаў Дзяржслужбы выканання пакаранняў (ДСВП) рэспублікі.

У знак салідарнасці з зняволенымі СІЗА-1 практычна ва ўсіх калоніях і СІЗА Кіргізіі пачалася галадоўка, якая працягваецца ўжо больш за тыдзень.

«З сённяшняга дня (з аўторка) зняволеныя робяць больш жорсткім свой пратэст. Гэта не прывядзе ні да чаго добрага, сітуацыя патрабуе тэрміновага вырашэння», — заявіў упаўнаважаны па правах чалавека.

Праваабаронцы Кыргызстана сцвярджаюць, што зняволеныя і падследныя пратэстуюць супраць жорсткага стаўлення да іх работнікаў СІЗА і калоній і абмежавання наведванняў для сваякоў, уведзеных адміністрацыяй ДСВП.

gazeta.ru

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ