U Kyrhyzstanie 400 źniavolenych zašyli sabie rot, pratestujučy 1

Kala 400 źniavolenych, jakija ŭdzielničajuć u masavaj haładoŭcy, jakaja achapiła praktyčna ŭsie SIZA i kałonii Kyrhyzstana, zašyli sabie rot, tym samym uzmacniŭšy svoj pratest, paviedamiŭ žurnalistam u aŭtorak ambudsmien respubliki Tursunbiek Akun.

U siaredzinie studzienia ŭ SIZA-1 u centry Biškieka padčas płanavaj pravierki kamier uspychnuŭ bunt. Źniavolenyja padpalili matracy, učyniŭšy pažar, častka ź ich parezała sabie vieny. Dla adnaŭleńnia paradku na terytoryju byŭ uviedzieny śpiecnaz, jakomu atrymałasia da abiedu adnavić paradak u śpiecustanovie. Pry hetym paciarpieli kala 30 źniavolenych i piać supracoŭnikaŭ Dziaržsłužby vykanańnia pakarańniaŭ (DSVP) respubliki.

U znak salidarnaści ź źniavolenymi SIZA-1 praktyčna va ŭsich kałonijach i SIZA Kirhizii pačałasia haładoŭka, jakaja praciahvajecca ŭžo bolš za tydzień.

«Ź siońniašniaha dnia (z aŭtorka) źniavolenyja robiać bolš žorstkim svoj pratest. Heta nie pryviadzie ni da čaho dobraha, situacyja patrabuje terminovaha vyrašeńnia», — zajaviŭ upaŭnavažany pa pravach čałavieka.

Pravaabaroncy Kyrhyzstana śćviardžajuć, što źniavolenyja i padślednyja pratestujuć suprać žorstkaha staŭleńnia da ich rabotnikaŭ SIZA i kałonij i abmiežavańnia naviedvańniaŭ dla svajakoŭ, uviedzienych administracyjaj DSVP.

0

0

0

0

0

0

gazeta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH