У мінулым годзе ў Беларусі былі адкрыты тры аддзяленні дзённага знаходжання для грамадзян пажылога ўзросту — у Віцебскай, Гродзенскай і Магілёўскай абласцях. Яны ўпершыню створаны ў структуры тэрытарыяльных цэнтраў сацыяльнага абслугоўвання насельніцтва (ТЦСАН), паведаміла начальнік аддзела развіцця і каардынацыі сацыяльнай дапамогі і сацыяльнага абслугоўвання Міністэрства працы і сацабароны Таццяна Фёдарава.
Такія аддзяленні прадастаўляюць старым догляд на працягу дня, тут створаны ўмовы для падтрымання актыўнага ладу жыцця, арганізуецца вольны час. «У аддзяленне пажылыя людзі прыходзяць раніцай самастойна або іх прывозяць дзеці, унукі.
На працягу дня яны знаходзяцца ў поле зроку спецыяліста па сацыяльнай рабоце, які адказвае за тое, каб падапечныя не сумавалі, не заставаліся ў адзіноце, своечасова елі і прымалі лякарствы, а кіраўнік гурткоў знаходзіць цікавыя і карысныя для старых спосабы правядзення часу,— сказала Таццяна Фёдарава. — Такая паслуга карыстаецца попытам у людзей, якія асцерагаюцца пакідаць сваіх пажылых сваякоў у кватэры адных: раптам стане дрэнна са здароўем, раптам яны забудуць выключыць газ або ваду, прапусцяць прыём лякарстваў, адкрыюць дзверы кватэры небяспечным незнаёмцам. А ў аддзяленні дзённага знаходжання людзі сталага ўзросту знаходзяцца ў бяспецы, пад наглядам спецыялістаў, ды яшчэ і ў прыемнай кампаніі сваіх аднагодкаў «. Акрамя таго, у іх ёсць магчымасць скарыстацца паслугамі ТЦСАН (напрыклад, атрымаць кансультацыю псіхолага, юрыста, наведаць салон міласэрнасці).
Паводле слоў спецыяліста, арганізацыя работы такіх новых для нашай краіны структурных падраздзяленняў прадугледжана Комплекснай праграмай развіцця сацыяльнага абслугоўвання на 2011–2015 гады. Таццяна Фёдарава адзначыла, што аддзяленні дзённага знаходжання для грамадзян пажылога ўзросту будуць стварацца ў рэгіёнах у адпаведнасці з патрэбнасцю ў гэтым відзе сацыяльных паслуг (яны платныя, кошт устанаўліваецца рашэннямі мясцовых уладаў). Пакуль складана сказаць, наколькі шырокае распаўсюджванне атрымае гэта новаўвядзенне, аднак такая форма работы з’яўляецца важным дапаўненнем да ўжо апрабаванай формы сацабслугоўвання — аддзяленняў кругласутачнага знаходжання для грамадзян пажылога ўзросту і інвалідаў.
У структуры тэрытарыяльных цэнтраў сацыяльнага абслугоўвання насельніцтва функцыянуюць 54 такія аддзяленні на 1 тыс. 915 месцаў.
Калі па аб’ектыўных прычынах непрацаздольныя людзі не могуць жыць дома самастойна (напрыклад, уТут адзінокім і адзінока пражываючым старым, інвалідам прадастаўляецца магчымасць часовага (да шасці месяцаў) знаходжання з аказаннем комплексу сацыяльных паслуг. Гэта добраўпарадкаванае пражыванне, бытавыя,асенне-зімовы перыяд, калі ўзнікаюць цяжкасці з абаграваннем жылля), яны пасяляюцца ў аддзяленнях кругласутачнага знаходжання.
Аддзяленні кругласутачнага знаходжання з’яўляюцца альтэрнатывайІх перавага заключаецца ў тым, што пажылых людзей не адрываюць ад прывычнага для іх асяроддзя (яны знаходзяцца непадалёку ад родных месц, і гэта пазітыўна адбіваецца на іх здароўі, псіхалагічным стане). Акрамя таго, бюджэтныя затраты на ўтрыманне пацыентаў у нестацыянарных установах сацабслугоўвання ўдвая меншыя, чым удамам-інтэрнатам .
Такім чынам, аддзяленні кругласутачнага знаходжання больш эканамічныя і максімальна набліжаны да рэальных патрэб адзінокіх і адзінока пражываючых пажылых людзей, інвалідаў. І яшчэ адзін немалаважны плюс: развіццё сеткі такіх нестацыянарных устаноў сацабслугоўвання (а яно пачалося ў канцы 2004 года) спрыяла скарачэнню чарговасці ў
