Старэйшы сын прэзідэнта Аляксей Парашэнка служыць у зоне АТА.
Дэпутат Вінніцкага аблсавета, 29 гадовы Аляксей Пятровіч Парашэнка пакінуў дома трохмесячнага сына Пятра, жонку Юлію і адправіўся ваяваць.
У эфіры «5 канала» гэта пацвердзіў кіраўнік перамоўнай групы Антытэрарыстычнага цэнтра Юрый Тандзіт: «У адной з вайсковых частак мы прыйшлі ў агульную палатку. Прынеслі дарагое, што ў нас было, — кавун. І адзін з салдат вёў сябе вельмі сціпла, даў нам нож. Мне яго твар здаўся вельмі знаёмым … Таварыш сказаў, што гэта Аляксей Парашэнка. Мяне здзіўляла, што няма ніякага пафасу. А прэзідэнт нідзе не згадваў пра службу яго сына».
У атачэнні сям'і кажуць, што яшчэ чатыры тыдні таму Аляксей атрымаў позву.
«Цяпер ён служыць у падраздзяленні Мінабароны ў зоне АТА. Магчыма, што сярод байцоў ён значыцца пад чужым імем і прозвішчам».
У інфармацыйным дэпартаменце Пятра Парашэнкі гэтую тэму не каментуюць. Магчыма, з меркаванняў бяспекі. Яны не гавораць і, дзе менавіта служыць Парашэнка-малодшы.
