Starejšy syn prezidenta Alaksiej Parašenka słužyć u zonie ATA.
Deputat Vińnickaha abłsavieta, 29 hadovy Alaksiej Piatrovič Parašenka pakinuŭ doma trochmiesiačnaha syna Piatra, žonku Juliju i adpraviŭsia vajavać.
U efiry «5 kanała» heta paćvierdziŭ kiraŭnik pieramoŭnaj hrupy Antyterarystyčnaha centra Juryj Tandzit: «U adnoj z vajskovych častak my pryjšli ŭ ahulnuju pałatku. Prynieśli darahoje, što ŭ nas było, — kavun. I adzin z sałdat vioŭ siabie vielmi ścipła, daŭ nam nož. Mnie jaho tvar zdaŭsia vielmi znajomym … Tavaryš skazaŭ, što heta Alaksiej Parašenka. Mianie ździŭlała, što niama nijakaha pafasu. A prezident nidzie nie zhadvaŭ pra słužbu jaho syna».
U atačeńni siamji kažuć, što jašče čatyry tydni tamu Alaksiej atrymaŭ pozvu.
«Ciapier jon słužyć u padraździaleńni Minabarony ŭ zonie ATA. Mahčyma, što siarod bajcoŭ jon značycca pad čužym imiem i proźviščam».
U infarmacyjnym departamiencie Piatra Parašenki hetuju temu nie kamientujuć. Mahčyma, ź mierkavańniaŭ biaśpieki. Jany nie havorać i, dzie mienavita słužyć Parašenka-małodšy.
