Бацькоўскі клуб запрашае на чарговую сустрэчу 20 снежня.
У суботу 29 лістапада адбылося чарговае пасяджэнне Бацькоўскага клуба «Крочым разам».
Гэта новая пляцоўка, дзе кожны можа падзяліцца сваім бацькоўскім талентам, знайсці паплечнікаў і рэалізаваць свае задумы.
Арганізатары клуба пішуць пра сябе так:
Мы – не цэнтр ранняга развіцця, мы – не дзіцячы садок і нават не мамчын форум.
Мы — бацькі, якія нешта ствараюць для сваіх дзяцей уласнымі намаганнямі.
Мы ставім задачу стварыць агульную базу беларускамоўных выхаваўчых і адукацыйных матэрыялаў.
Мы прапануем маладым бацькам развіваць свае таленты і здольнасці сваіх дзяцей.
Мы імкнемся скараціць час на пошукі патрэбнай і вартай інфармацыі, якая цікавіць бацькоў і дзяцей.
Якім чынам?
Мы верым, што ў кожнага з нас ёсць таленты, ідэі і інфармацыя, якімі можна падзяліцца і навучыць іншых. Нашы заняткі з дзеткамі не будуць самамэтай, але і ім будзе адведзена дастаткова часу.
Бацькоўскі клуб «Крочым разам» збірае ўсіх ахвочых па адрасе вул. Фабрыцыуса 4, другі паверх, бізнэс-цэнтр «Imaguru», фотастудыя «Forward».
Праграма сустрэчы была такая:
- знаёмства
- гульні для дзетак
- заняткі для дзяцей на тэму «Эмоцыі»
- творчасць разам з дзецьмі
- прагляд мультфільма па-беларуску для дзяцей
- з бацькамі гаварылі на тэму арганізацыі часу.
Даведаліся пра:
- асновы тайм-менеджменту для мамы
-падзяліліся досведам.
Вынікам сустрэчы стала стварэнне падборкі матэрыялаў для заняткаў з дзеткамі па тэме «Эмоцыі». Спампаваць можна па спасылцы.
Уваход вольны па папярэднім запісе.
Наступная сустрэча адбудзецца 20 снежня.
Тэма заняткаў для дзяцей — «Космас».
Тэма абмеркавання для бацькоў, дакладней для мам: «Штодзённы макіяж», запросім візажыста.
Запісацца можна ў суполках на Facebook і VKontakte
Каментары