Расійскага дэпутата з Ашмянаў, які адмовіўся аплаціць свой адпачынак у санаторыі, аштрафавалі на $5 тысяч
Расійская грамадская арганізацыя інвалідаў вайны ў Афганістане дамаглася ў судовым парадку ад члена Савета Федэрацыі Франца Клінцэвіча каля 300 тысяч расійскіх рублёў (больш $4500) за навагодні адпачынак у рэабілітацыйным цэнтры «Русь».
Ураджэнец Ашмянаў Клінцэвіч, які ўзначальвае расійскі саюз ветэранаў Афганістана, адпачываў у «Русі» разам з дзевяцю спадарожнікамі ў канцы 2014 года і правёў у цэнтры 21 дзень. Для Клінцэвіча быў забраніраваны прэзідэнцкі люкс, у якім у савецкі час спыняўся Міхаіл Гарбачоў.
Пытанне аплаты засталося адкрытым. У цэнтры «Русь» дазваляецца адпачываць бясплатна толькі па медыцынскіх паказаннях, якіх у Клінцэвіча і спадарожнікаў не было. Кантралюючыя органы выявілі ў цэнтры нястачу, пасля чаго прадстаўнікі «Русі» падалі ў суд на дэпутата.
* * *
Каментары