Drakonaŭskija papraŭki skiravany suprać apazycyi
21 červienia pałata pradstaŭnikoŭ pryniała papraŭki ŭ Kodeks ab administracyjnych parušeńniach. U dakumencie praciahnutyja da troch hadoŭ terminy nakładańnia spahnańnia za ekanamičnyja pravaparušeńni.
U kodeks dadadziena pałažeńnie ab administracyjnaj adkaznaści za parušeńnie ŚMI zakanadaŭstva ad druku paśla paŭtornaha na praciahu hodu vyniasieńnia jamu piśmovaha papiaredžańnia. U takim vypadku na indyvidualnaha pradprymalnika budzie nakładacca štraf u pamiery ad 20 da 100 bazavych vieličyniaŭ, na jurydyčnuju asobu — ad 100 da 500.
Uzmacniajecca taksama adkaznaść za niametavaje vykarystańnie zamiežnaj biazvypłatnaj dapamohi.
Partyzanka — zadača abarony
Terytaryjalnaja abarona Biełarusi zasnavana na pryncypach partyzanskaha ruchu, zajaviŭ žurnalistam namieśnik načalnika Ŭzbrojenych sił pa navukovaj pracy hienerał-major Jury Partnoŭ. Vojski terytaryjalnaj abarony Biełarusi pryznačanyja dla dziejańniaŭ na časova zachoplenaj ci pakinutaj terytoryi, «kab stvarać aktyŭny front supracivu».
Metro — na letni hrafik
Z 4 lipienia pa 31 žniŭnia mienskaje metro budzie chadzić pa letniamu hrafiku, ciahnikoŭ pamienieje. U budnyja dni intervały miž ciahnikami pavialičacca da troch chvilinaŭ, u vychadnyja — da čatyroch chvilinaŭ. Uviečary intervały nia źmieniacca.
Aryštavany skurnik-venerolah
Prakuratura raspačała kryminalnuju spravu (chabar) u dačynieńni da namieśnika hałoŭnaha lekara Mienskaha skurna-veneralahičnaha dyspanseru Eduarda Tkačova. Jaho zatrymali ŭ słužbovym kabinecie aperatyŭniki śledčaha adździełu UUS Maskoŭskaha rajonu. Pavodle śledčych, Tkačoŭ, jaki adkazvaŭ za haspadarčuju dziejnaść, atrymaŭ chabar $800. Supracoŭniki zajaŭlajuć, što aryšt kiraŭnika vyklikaŭ u ich šok, jany nia mohuć pavieryć u chabar.
Kožny treci z sotavym
Kolkaść abanentaŭ sotavaj suviazi ŭ Biełarusi pieravysiła 3 miljony čałaviek. Abanentami MTS źjaŭlajucca 1,559 młn čałaviek, «Velcom» — 1,39 młn, u kampanii «Biełseł» — 93 tys. abanentaŭ.
AH, AŠ; svaboda.org, interfax.by