Treci nia lišni
Treci aperatar GSM-suviazi ŭ Biełarusi, ZAT «Biełaruskaja sietka telekamunikacyj» maje pačać pracu 18 vieraśnia. Inakš Minsuviazi prypynić licenziju. Pieramožca tenderu kampanija «Alkatel Šanchaj» pastaviła pieršuju partyju abstalavańnia ŭ pazyku, na reštu treba brać kredyt.
Niezajzdrosny los biznesu
Spravazdača Suśvietnaha banku j Mižnarodnaj finansavaj karparacyi pastaviła Biełaruś na 106 miesca (z 155 praanalizavanych) pa jakaści rehulavańnia biznes-asiarodździa. Uličvalisia ŭmovy pradprymalnickaj dziejnaści, abarona investaraŭ, paradak najmańnia i zvalnieńnia supracoŭnika, rehistracyi majomaści, licenzavańnia, vypłaty padatkaŭ. Nizkaje miesca — vynik žorstkich umovaŭ dla raźvićcia biznesu ŭ krainie, nizkaha ŭzroŭniu karparatyŭnaha kiravańnia dy składanaja padatkovaja systema.
«Pryjor» — značyć pieršy
Treci hod zapar najbujniejšy kamercyjny bank krainy, AAT «Pryjorbank», abviaščajecca najlepšym biełaruskim bankam pa versii časopisu «The Banker», što ŭvachodzić u chołdynh «The Financial Times». Pieramožcy vyznačajucca pavodle roznych kryteraŭ, u tym liku j pa raspracoŭcy pieradavych technalohij i stratehij. Najbujniejšym akcyjaneram banku źjaŭlajucca aŭstryjskaja hrupa «Rajfajzen» (joj naležyć 61,3% akcyj) i Eŭrapiejski bank rekanstrukcyi j raźvićcia (13,5%).
Uzbujnieńnie alkaholnaha biznesu
Pavodle padpisanaha 12 vieraśnia dekretu A.Łukašenki, umovy vytvorčaści, prodažu j reklamy alkaholu stanuć bolš žorstkimi. Dla ažyćciaŭleńnia ahułavaha handlu alkaholnymi vyrabami pradpryjemstvu nieabchodna mieć pamier statutnaha fondu nia mienšy za 100 tys. eŭra, schoviščy płoščaj nia mienšaj za 1 000 m². Taksama jano pavinna zajmacca ahułavym handlem nia mienš za piać hadoŭ. Handlavać urazdrob alkaholem možna budzie tolki ŭ kramach, płošča handlovaj zali jakich nia mienšaja za 50 m². Za parušeńni pradpryjemstvy buduć pazbaŭlacca licenzij. Dekret nabudzie siłu 12 śniežnia. Pavialičyłasia adkaznaść za vytvorčaść i prodaž falsyfikavanaha alkaholu, alkaholu z padrobnymi akcyznymi markami j biez dakumentaŭ. Ciapier štraf moža dasiahnuć 5 tys. bazavych vieličyń (Br127,5 młn).
ZD
