Budaŭnictva AES abumoŭlena vysokaj stupieńniu zaležnaści Biełarusi ad impartu enierharesursaŭ i rostam patreby ŭ ich, zajaviŭ biełaruski dypłamat na naradzie ŭ MAHATE.
Realizacyja nacyjanalnaj jadzierna-enierhietyčnaj prahramy ŭ Biełarusi ažyćciaŭlajecca z ulikam vysokaj stupieni zaležnaści krainy ad impartu enierharesursaŭ i rostu patreby ŭ elektraenierhii. Ab hetym zajaviŭ načalnik upraŭleńnia ekanamičnaha supracoŭnictva i ŭstojlivaha raźvićcia MZS Biełarusi Juryj Jaraševič na naradzie pa vyvučeńni sacyjalna-ekanamičnych nastupstvaŭ ukaranieńnia jadziernaj enierhietyki, jakaja prajšła 26—30 listapada ŭ Vienie ŭ štab-kvatery MAHATE.
Jak paviedamlaje pres-słužba MZS, udzielniki narady abmianialisia vopytam i infarmacyjaj u halinie vyvučeńnia finansavych, ekanamičnych i sacyjalnych aśpiektaŭ raźvićcia jadziernaj enierhietyki dla padrychtoŭki na hetaj asnovie adpaviednaj mietadałohii MAHATE.
Biełaruski dypłamat taksama adznačyŭ, što jadziernaja enierhietyka źjaŭlajecca adnym ź instrumientaŭ źnižeńnia abjomaŭ vykidaŭ parnikovych hazaŭ u atmaśfieru i "ruchajučaj siłaj dla raźvićcia novych technałohij i vytvorčaściej".
U ramkach udziełu ŭ naradzie Jaraševič pravioŭ šerah sustreč z pradstaŭnikami krain-udzielnic i supracoŭnikami sakrataryjata MAHATE.
