30 listapada, choć i nie ŭ treci čaćvier, jak naležyć, a ŭ piatuju piatnicu miesiaca, Bažale nuvo prybyła ŭ Biełaruś. U Mastackim muziei adbyłosia śviata Bažale nuvo, tradycyjnaha francuzskaha maładoha vina, vyrablenaha ź vinahradu hatunku hame.
Aficyjanty rychtujuć dehustacyju Bažale nuvo.
Śviata maładoha francuzskaha vina Bažale nuvo adbyłosia ŭ «Paryžskaj kaviarni» ŭ Mastackim muziei ŭ Minsku.
Vystup studentak fakulteta francuzskaj movy MDŁU.
Ambasadar Francyi ŭ Biełarusi Mišel Renery adkarkavaŭ pieršuju butelku Bažale nuvo. Sprava ad Renery — samielje Alaksiej Michalčyk.
Sapraŭdnaja dehustacyja adbyvajecca ŭ try etapy: spačatku acenka koleru, zatym vodaru i tolki ŭ kancy — smaku.
Mišel Renery padpisaŭ butelku vina, jakuju zatym pradali z aŭkcyjonu.
Dehustacyja pačałasia.
Dehustacyja pačałasia.
Pieramožca aŭkcyjonu zapłaciŭ 1 100 000 rubloŭ za butelku z aŭtohrafam Renery. Usie hrošy buduć nakiravany na raźvićcio muzieja.
Paśla aficyjnaj častki, hości pierajšli ŭ «Paryžskuju kaviarniu», dzie ich čakali śpievy pa-francuzsku dy praciah bankietu.
Mišel Renery byŭ sapraŭdnaj zorkaj viečara.
Za nievialikija hrošy možna było zamović svoj partret maładym biełaruskim mastakam.
Była i sapraŭdnaja mim.
Impreza ad mižnarodnaha hramadskaha abjadnańnia «Teatro».
Arhanizatarami mierapryjemstva vystupili muziej, ambasada Francyi, Biełaruskaja asacyjacyja nastaŭnikaŭ francuzskaj movy, a taksama mižnarodnaje hramadskaje abjadnańniem «Teatro». Darečy, śviata vina było praviedziena ŭ ramkach vystavy «Mastaki paryžskaj škoły ź Biełarusi», bo vino — nieadjemnaja častka kultury Francyi, jakaja stała druhoj radzimaj dla Marka Šahała, Chaima Sucina, Pinchusa Kremienia, Vosipa Lubiča.
Amataraŭ vina sabrałosia niašmat. Mabyć, cana na kvitok 150 tysiačaŭ — była zavysokaj dla biełarusaŭ. Ale tych, chto ŭsio ž pryjšoŭ, čakała masa cikavostak: heta i vystup vučanic fakulteta francuzskaj movy MDŁU, i impreza ad «Teatro», i dehustacyja Bažale nuvo — vina, jakoje, pa słovach biełaruskaha samielje Alaksieja Michalčyka, vielmi ciažka dastać u Biełarusi.
Sapraŭdnaj «zorkaj» viečara stała źjaŭleńnie ambasadara Francyi ŭ Biełarusi Mišela Renery. Jamu vypaŭ honar adkarkavać pieršuju butelku Bažale nuvo. Jak vyśviatliłasia, Mišel Renery pryvioz z saboj svoj, francuzski štopar, ale vyrašyŭ skarystacca najaŭnym biełaruskim. U vyniku, jak u toj «Bryljantavaj ruce», vyjšła techničnaja zaminka. Adkarkavać butelku ŭdałosia nie adrazu: Renery i Michalčyk, jaki jamu dapamahaŭ, narakali na niazručnuju butelku, a kanfieranśje — na štopar.
Na etykietcy druhoj butelki Renery pakinuŭ svoj aŭtohraf, i jaje amal adrazu pradali na impravizavanym aŭkcyjonie. Pieramožca zapłaciŭ 1 100 000 rubloŭ. Usie hrošy pojduć u fond muzieja.
Śviata Bažale nuvo — vydatny prykład, kali dobry markietynh moža vyratavać navat nie vielmi jakasny pradukt. Sprava ŭ tym, što ź vinahradu «hame», jaki tradycyjna vyroščvajuć u vobłaści Bažale ŭ Burhundyi, vino atrymlivajecca «tak sabie». U adroźnieńnie ad svaich «kaleh» z Burhundyi dy Bardo, Bažale nuvo nie prystasavana dla vytrymki, drenna zachoŭvajecca dy amal nie maje ŭ svaim składzie taninaŭ. U toj ža čas Bažale nuvo chutka vyśpiavaje, maje lohki prysmak ź jahadnymi dy fruktovymi adcieńniami dy smačnaje zusim maładym, adrazu paśla zaviaršeńnia fiermientacyi.
Kiemlivyja vinaroby Bažale pieratvaryli minusy ŭ plusy, a plusy — u jašče bolšyja plusy i zasnavali śviata maładoha vina Bažale nuvo. Bažale nuvo spraŭlajuć u treci čaćvier listapada. Mienavita hetym dniom, paśla
