Sioleta ŭ Katalickim Kaściole Advent — pieryjad padrychtoŭki da pieražyvańnia tajamnicy Uciełaŭleńnia Božaha Syna — raspačaŭsia ŭ niadzielu 2 śniežnia. Advent — heta taksama pačatak novaha liturhičnaha hoda.
U hety pieryjad Kaścioł zaklikaje viernikaŭ pryśviacić bolš času adnosinam z Boham u malitvie i duchoŭnym čytańni.
Etymałohija słova «Advent» pachodzić ad łacinskaha słova «adventus» — «pryjście».Chryścijanie, vierahodna, uziali hetaje słova ź jazyčnickaha ŭžytku rymlanaŭ. Tak nazyvaŭsia ŭračysty ŭvachod impieratara ŭ Rym, a taksama cyrymonii naviedvańnia impierataram śviatyni ŭ dziaržaŭnyja śviaty.
Pieršy ŭspamin ab Advencie ŭ historyi znachodzim u adnym z dekretaŭ sinoda, jaki adbyŭsia ŭ ispanskim horadzie Sarahosa ŭ 380 h. Užo tady Advent isnavaŭ u ispanskim i halskim Kaściole. Jak i Vialiki post, u toj čas Advent praciahvaŭsia 40 dzion.
U Rymskaj dyjacezii tradycyja čatyrochtydniovaha Adventu zamacavałasia ŭ pačatku VI st. A pakolki ŭžo tady Rymski Kaścioł byŭ maci ŭsich miascovych Kaściołaŭ, to mienavita takoje pieražyvańnie Adventu paśla zamacavałasia i va ŭsich.
0
0
0
0
0
0