Minharvykankam pravodzić hramadskaje apytańnie pra brend stalicy 4

Minharvykankam pravodzić hramadskaje apytańnie pra brend horada. Ab hetym BiełaPAN paviedamili ŭ pres-słužbie harvykankama.

Na sajcie www.minsk.gov.by u rubrycy «Vaša mierkavańnie» internet-karystalnikam zadajuć pytańnie: «Jakija asacyjacyi vyklikaje ŭ vas Minsk?»

U harvykankamie adznačajuć, što dumki minčan važnyja dla stvareńnia brenda stalicy.

Jak paviedamlałasia raniej, daśledčy centr INSTID (Vialikabrytanija) raspracavaŭ kancepcyju brenda Minska. Zamoŭcam prajekta vystupaje infarmacyjna-turyscki centr «Minsk». Da kanca 2012 hoda zapłanavana stvaryć brend Minska, a z 2013 hoda — pravieści šerah mierapryjemstvaŭ pa jaho prasoŭvańni. Jak paviedamiła žurnalistam 6 śniežnia ŭ Minsku pradstaŭnik INSTID Natalla Hrand, stvareńnie kancepcyi brenda biełaruskaj stalicy pravodzicca ŭ ciesnym supracoŭnictvie ź minčanami, jakija majuć mahčymaść nakiroŭvać svaje prapanovy praź internet. Akramia taho, dla abmierkavańnia kancepcyi rehularna źbirajecca hramadski saviet, u jaki ŭvajšli pradstaŭniki tvorčaj intelihiencyi, biźniesu, čynoŭniki, dypłamaty i h.d.

U adpaviednaści z raspracavanaj kancepcyjaj brenda Minska jaho vartaściami źjaŭlajucca biaśpieka, mietadyčnaść, raźmieranaść, mahčymaści dla raźvićcia. Charaktar Minska vyznačany jak «sučasny, funkcyjanalny, vyrazny, rytmičny i ŭraŭnavažany». U jakaści koleru Minska prapanavany błakitny — «minski błakit». Elemientami vizualnaha stylu horada stanie arnamient błakitnych i biełych pałos roŭnaj šyryni, jakija raźmieščany pad peŭnymi vuhłami. Čakajecca, što hety malunak budzie vykarystoŭvacca ŭ afarmleńni staličnych budynkaŭ, transpartu, suvieniraŭ. Zaraz taksama raspracoŭvajecca «minski šryft», «vodar Minska», jaki budzie vykarystoŭvacca pry stvareńni suvieniraŭ — śviečak, aśviažalnikaŭ pavietra. Akramia taho, stvarajecca «minskaja muzyka». Užo viadoma, što heta budzie miełodyja biez słoŭ z «ciahučymi frazami», vykananaja strunnymi instrumientami.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH